• About Us
  • Contact Us
  • Privacy Policy
  • Advertise With Us
  • Terms & Conditions
Saturday, August 30, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Chem ya ka ID pulit ka Bangladesh, ka Combat Vest hadien wa chah dung uwi ha Meghalaya  

Wyrta Staff by Wyrta Staff
August 8, 2025
Reading Time: 4 mins read
A A
0
Share on FacebookShare on Twitter
ADVERTISEMENT

Ha i jia wan thombor ki damok na Bangladesh heiwa da em leh i siat kuli cha suiñ, uwi u bru waheh da mynsoo joor u ha South West Khasi Hills.

Katkam ka khubor na ki pulit da pyntip wa heipor kamwa 1:00 waje i step synyaaw ka 8 tarik da em hadooh 9 ngut ki nong Bangladesh kiwa rahlang ya ki tiar pynmynsoo wa kynthup ka suloi kiwa da wan hiar thma cha khappood wa ka Meghalaya.

Da khana wa kini ki damok kiwa kieñ tiar yaleh da dat wei da dung ki ya uwi u bru wa tip pyrtuid kam u Balsrang A Marak ha ka chnong Rongdongai kawa em ha ka thaaiñ Nongjri-Nonghyllam, South West Khasi Hills.

Da suba wa ini iwa chah dung u Balsrang toh neidaw wa pyrchang u wow khang luti ya kini ki bru, wei hadien wa dep ki wow leh ya kani ka kaam thombor da yut noh ki na kani ka thaw.

Chooh chooh da khana wa kitai ki damok hadien wa yoh ki u yut ym em won yoh ki u yut cheiliang Bangladesh, neibhah hadooh i step da em wa yoo ki ha katai ka thaaiñ, wei da suba leh wa kini toh kiwa da psiah pyrchah ya ka aiñ chapoh India.

Katkam wa pyntip ki pulit da ong wa kini ki damok ye ki wow man ka Gang wa emktilang u pulit Bangladesh neibhah da chem ya kawi ka Identity Card pulit Bangladesh. 

Related posts

Da wai ya ka thaw sait kari wa thymme hajan Ialong Tollgate

August 30, 2025

Kyrchaan ki le chnong ya ka Public Hearing ka Topcem

August 30, 2025

Ki pulit da suba joor ki wa kini ki damok da wan ki dei thmu wow rahbor ya ki bru na Meghalaya cha Bangladesh wei wow dawa poisa, neibhah da pynkhreh bha ya ki tiar pynmynsoo wa kynthup ka suloi ki Walkie-Talkie wa ki Charger.

Kiwa chong chnong da yoh ki leh wow chem ya ki kattu katni ki tiar wa da pynhap da kini ki damok wa kynthup ka ID pulit, ka poisa Bangladesh, kawi ka Combat Vest kiwa da chimkti noh da ki pulit.

Wyrta WhatsApp Channel
ShareTweetSendShare
Previous Post

Dei rwai i chaad, i tem i put deilang i chet i baam pynkut ka Govt Girls HSS Jowai ya ka tayaaw lehkmen 

Next Post

Da toh pynhaap yei tiar ka Flipkart da u Delivery Boy hajan ka DTO Office

Related Posts

News

Da wai ya ka thaw sait kari wa thymme hajan Ialong Tollgate

August 30, 2025
News

Kyrchaan ki le chnong ya ka Public Hearing ka Topcem

August 30, 2025
News

Kem ki pulit ka Meghalaya ya u pulit Assam wa emkti thmu slaitbor ya ka khynnah ha Block-II

August 30, 2025
News

Ym ye wow ong deiwa tikna 100% wa em i pynlang paaid ki seiñ kieñ suloi: Conrad

August 30, 2025
Next Post

Da toh pynhaap yei tiar ka Flipkart da u Delivery Boy hajan ka DTO Office

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar