U Aaron Dhar uwa lai puræ ha North Liberty Higher Secondary School, Jowai da yoh u ha ka 18th Position ha ka SSLC Examination 2026 kawa da pynmih Result ynne ka sngi da ka MBOSE.
U Aaron da yoh Distinction u ha ki 6 tylli ki Subject wei da yoh u 100/100 ha ka Science & Technology.
Hawa yoh u yaklam wa u Aaron, nyngkong da e ngooh u ya u Blai wa da emlang u wa oo waroh chi snem hadooh wa poi ha kani ka thong deiwa pynrap wa deiwa kreh chitom waroh chi snem da yooluti hi wow poi chakhmat katwa e u Blai.
Da ong u wa ini wa poi u cha kani ka thong toh deiwa kreh chitom ym du i yong oo samen tangwa da waroh kiwa sikai khamtam u Principal wei da e khublei u leh ya waroh kiwa kyrchaan ya oo deilang ki lok u.
Heiyatoh wa i khreh kot, da ong u wa da khreh kot u waroh chi snem wei emkaam wow kreh chi kynta chi sngi wei chwa ka Exam won hap pynjoor yei pynkhreh wei emkaam hi leh wow leh ya ki kaam wa ka-it mynsien.
Heiyatoh wa ka mynried u, da ong u wa daw lai puræ Science u ha North Liberty hi wei hadien habood won katwa yah luti u Blai.
Hawa e yei sneiñ ya kiwi, da ong u wa emkaam wow e lut waroh ha iwon iwon iwa leh wei ym ye wow khreh kot bait wei emkaam wow leh ya kiwi ki kaam wa sñiawsuk heiwa oo sñiawsuk u wow phet wei lai-ke.
Discussion about this post