Ynne i step, ki bru da khyrngiat ki wow chem yei metyap yong uwi uwa dai um na kawi ka nan kawa tip kam ka Umjynrud Mawpat.
Kani ka thaw toh kawa dang haap hapyrdi ka Langkyrding Mihngi-2 wa ka Mawpat wei yei metyap da chem da uwi uwa lai cha katai ka thaw ynne i step.
Katkam wa tip, uni u briew toh uwa sah ha Langkyrding Mihngi ka Block-V wei da khut siñ ya oo kam u bah Hep, wei da kamai u deiwa dai um ha katai ka thaaiñ.
Ki pulit ryngkat ka chnat Forensic da phet ki wut-wut cha katai ka thaw yow pynman yei takit wei wow pynlang pynlum ya ki sakhi sabut yei khlaad yong uni u bru.
Harood yong kani ka nan da em ki slipar wa ka Jacket kawa da booh katwa i met won da pær ha um.
Discussion about this post