Ym hoi u duna ki dukan wei toh u man kamwa chwa u kyrriah ya ka Iawmusiang: JTTA

Ka Jaiñtia Tribal Traders Association (JTTA) ynne da lai pait ko ya i kreh ha ka Iawmusiang Shopping Complex hapoh i yahkhmat u President yong ka, u Iatha Najiar deilang wa kiwi ki dkhot ko.

Hawa yaklam wa u Iatha Najiar, da ong u wa hadien wa yoo yei klam ki MDC wa i kreh ya ka Iawmusiang Shopping Complex rap phær i, kamtæ da sñiaw emkaam ki wow lai pait ya ini i kreh.

Da ong u wa da chem wa ki dukan namo ki Stall, em kiwa khian wa kiwa wai bait namo kiwa khlem dwar wei boi hadien ka District Council daw chah ko ya ki tre wow chna ya kini ki dwar.

Chooh chooh da ong u wa i kwah yong ki hi toh ymhoi u dooh dukan ki warim kiwa jooh chong dukan ha Iawmusiang chwa wow kyrriah ya ki cha Iawthymme wei toh u yoh dukan ki waroh.

Da ong u leh wa kamwa mih khubor da yoo ya u MDC wa ong u wa ki dukan em ki du 300 tam katwa ki Permit wa da e toh 700 tam.

Related posts

Yachem kiwa chet ja skur wa u James Sangma chwa wow yakhih deiwa sangeh kreh

August 29, 2026

Pyndep ka NEAU Khliehtyrshi ya ka 5th Convocation neibynta ki 299 ngut ki Graduates

August 28, 2026

U Iatha da pynrap u deiwa ong wa ki MDC toh u tip ki wa ki dukan ymtoh u duna ki neiwa da kyrriah ya ki cha Ladthadlaboh.

Heijooh i por da e khublei ka seiñ ya u MLA ka Jowai, ka JHADC kamjooh ya u Contractor wa da chimkhia wow kreh smat ya ka Iawmusiang.