theme-sticky-logo-alt
theme-logo-alt

Chi bnai e por ka JHTOA wow pynpsiah dkhot, da kyntu leh yaka sorkar u pynlait Challan mooyong

Advertisement ad1

Ka seiñ Jaiñtia Hills Truck Owner Association (JHTOA) haka yalang wa pynman ko ynne ka sngi ha Takhñiang, East Jaiñtia Hills wada emlang u President, u Biangshwa Shylla, u Secretary, u Harpidiyou Suiam deilang waki dkhot da chim ki ya ka rai wow sdang noh i pynpsiah dkhot hapoh ka Association nadooh mynstep ka 01-09-22 hadooh ka 30-09-22, deiwa kyntu leh yaki tre Truck wow sñiawbha ki u wan pynpsiah pyrtuid lym kamtæ ka seiñ ym ye ko u bahkhlieh la jia wa tyngkhooh ki iwon iwon i eh i khoo hei lai luti yong ki.

Heiyatoh wa ki slip wa jooh e daka JHTOA ha ka yung krehkaam ka seiñ ha Tuber Takhñiang, da rai leh wa kawi ka truk ye ko u chim kawi donhi ka slip neibynta chi sngi deiwa wanlang waka truck neidaw wa ha ki por wadep em i kulmar heiyatoh i rukom e slip.

Advertisement ad1

Heiyatoh wa ki Truck Trailer wa 16-18 chaka chañeiñ ki wow kit khamtam yaki mar napoh ka thaaiñ, neiliang ka seiñ kamwa jooh pyrchah ko neipor cheipor, ha kani ka kynti leh pyrchah hi ko yeini hajrong ka yurim wa neidaw ha ka jylla yong i ki sarok dang man kiwa khian wei dong wei la em kam kini ki truk daw pynthut ki yei lai i wan u paidbah wei wanrah i khynnia.

Neitæ ka seiñ lyngba u President, u Biangshwa Shylla pyntip u wa da rai haroh ki u chna yaka yung krehkaam wa pura ka seiñ ha Phramer, West Jaiñtia Hills yow suk i yachem kam ki dkhot wei yow ye u pynlai bait yei kaam.

Heijooh i por ka seiñ da ban joor ko leh yaka sorkar wow sñiawbha ko u pynlait Challan mooyong neibynta uwa dang sah la toh wa em bor ko, neibhah kam kiwa booh truck rap chaniah ki yei kit i bah ha u mooyong heipor wa dang wai Challan.

U Biangshwa Shylla ong u kamwa yoo cha ki laad pathai khubor hadooh kamwa 32 lak Metric Ton em u mooyong wa dang sah.

Share this:
Previous

U yoh ka Meghalaya ya ka Medical Skill Hunar Hub

Next

Kyrpaad ka Synjuk ya ki Waheh Chnong ka Ri-loom Jaiñtia wow chimbynta ha ka Peace Rally