U MLA ka 2-Jowai Constituency uwa man leh u Montri ka chnat Sport and Youth Affairs, ka chnat Health and Family Welfare wa Home (Passport) ynne ka sngi da saam Work Order u wa chongdor da palat klur tangka cha ki paidbah ka Constituency yong oo ha ka yalang tbian wa da pynman ha Highwinds wa em hajan ka nan Thadlaskeiñ, West Jaiñtia Hills District.
Neiliang u Wailadmiki Shylla khana u wa kani ka MLA Scheme toh yong u snem 2024-2025, wei heipor wa dang man u kam u MLA donhi wa dang kyllooid por jooh lai saam u da oo hi cha ki chnong ki thaw, tangwa kattæ neidaw wa da rap kyndian i por ya oo hadien wa da chah jied u kam u Montri sorkar, da hap u wow saamlang noh chirup heijooh i thaw.
Ya kini ki Work Order da saam u cha ki chnong waphær waphær wa kynthup cha ki Seiñ Kur, ki Seiñraij, ki skur wa kiwi ki kynhun khnang yow yoh ki u pynkhrehkaam yeiwa emkaam yong ki.
Da pyntip haroh u kini ki Work Order wa saam u ynne ka sngi da khynjoh ki palat chi klur tam na ka MLA Scheme wei neini chakhmat leh daw saam chooh u wa kynthup ya ki Tin yung.
Discussion about this post