Jowai : Ka State Bank of India, Ladthadlaboh Branch ynne ka sngi da leh kmen ko ya ka State Bank Day næ ka sngi kha yong ka bank heiwa da pynkylla pyrtuid ya ka Imperial Bank of India cha ka State Bank of India da ka aiñ State Bank of India Act 1955 ha ka 1 Ñiaynñiaw (July).
U D. K. Choudhury, Asst. General Manager, RBO-VI, Shillong da ong u wa ka SBI toh kawi na ki Bank wa heh dooh ha India heiwa da em ko 59,000 tylli ki kor ATM, wei palat 22000 tylli ki tnat hapoh ka ri India wa kamjooh leh 190 tylli ki office ha 36 tylli ki ri hapoh pyrthai.
Da ong chooh chooh u wa ka website yong ka SBI toh ka website wa 3 wa pynemkaam dooh ki bru hapoh ka ri India. Wei pynemkaam ki bru hei dai i thied kamwa 1200 sien chi minit lyngba ka website yong ki.
Ha kani ka sngi da saam leh ya ki khusnaam cha kiwa jop yakop dro wa pynman ka SBI heiwa da jop ka Osakahi Shullai na ka North Liberty School wa ar da yoh ka Priyashi Choudry na ka North Liberty School hi katwa ya i naam wa le da yoh ka Bianghi Myrphet na ka Tome Memorial Secondary School.
U Dr. R.C. Laloo kam u kongsan ha kani ka sngi ong u wa ki bank katni da man sakhiat ki kiwa pynemkaam ya i stat ka juk katni hadooh wa du na ki phone wa ki computer katcha wa em ye i u pyllai ya ki kaam poisa.
Da e buit u leh ya ki bank yow yarap poisa ko ya kiwa kwah poisa yow sdang ya ki dukan khian wei toh u em da ka tnat yow yarap ya kiwa wan chim ya kam kini ki loan khian kiwa T. 20000-30000 kamjooh leh yow yarap poisa leh ya kiwa thied ya ki mar yow skit yow lai ka poisa.
Da pynkut ya kani ka yalang deiwa e kti ya ka cheque wa T. 1 Lak cha ki chi kurim u Samuel Suchiang wa ka Mon Dkhar kiwa ha ka miet yong ka 1 Thohlakhmi (February) yong uni u snem heiwa deiwa chlur yong kini ki arngut da lait i chah tooh ka ATM ka SBI Ladthadlaboh.
Read Also: Pyllait ki chi kurim ya ka ATM na tyrasim ki nonglute
Discussion about this post