15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pyllait ki chi kurim ya ka ATM na tyrsim ki nonglute

0 Comments

Jowai : Hei step ka 1 tarik heipor kamwa 2:30 i step da em ki bru wa thmu u tooh ya ka ATM ka tnat ka bank SBI ka wa em ha Ladthadlaboh.

Da sakhi ya ini da u ma Samuel Suchiang wa ka kurim u kiwa sah ha ka mala wa hapoh yong kani ka bank.

U ma Suchiang toh u wa pait ya ka generator yong kani ka bank. Da ong u wa sniaw u wa em kiwa choh wa tied ha kani ka step wei da mih u na yung yow li pait neiwon mih i tæ i sawa.

Ong u wa da yoo u ya arngut ki bru wa yieñ ha lait kani ka ATM. Kamjooh i thaw man i iwa doom bha neibhah da dep looid ki ya waroh ki bulb light wa ki tube light ha khmat ka bank wa kamjooh yong ki dukan wa em ha chrooh kani ka bank.

sbi-atm1

sbi-atm2

Ong u hadien wa yoo kini ki wa tooh ya oo, uwi na kini ki watooh da rah u da u lyngka wei da wan u chajan u ma Suchiang heini i jooh i por da wan ka kurim u ma Suchiang wei da kiad ko hawa yoo ko ya ini. Da sniaw kini ki chi kurim leh yei wa em na uwi na kini ki wa tooh ong “Nei Nei.” Kini ki bru ym yoo yei dur ki neidaw wa deiñ ki da ki mask wa pyllait du ki khmat donhi.

Hadien i kyiad kani ka kong da phet yut kini ki watooh dei kjat na u surokbah NH-44 cha liang ka KNGC. Da ong wa ym duna soo ngut wa phet na kani ka ATM.

U ma Suchiang wa ka kurim u da phet ki chapoh yung wei wa hadien kattu katni por da mih biang u cha lait deilang wa ka tislight wei da chem u leh yei khlieh ka ATM cha chiliang u surok neiwa em kani ka ATM.

Katkam wa pyntip ki wa kreh ha bank da ong wa waroh ki CCTV Camera wa em hapoh wa ha lait kani ka ATM da dep pyntkut ya ki, wei da sai yei khlieh kani ka ATM yow yoh lad u tooh ya ki ‘Hard disk’ wa pyllang yeiwa riñ kini ki Camera.

sbi-atm3

sbi-atm4

Tangwa kat yei bynta ka ATM wa booh poisa kini kiwa tooh ym ye ki ka u wai wei da pyrchang ki leh u sai ya ka na tre tangwa ya kani ka ATM da dep pyndait skhem bha ya ka ha khyndaw wei da dep welding yillu bha cha pooh khyndaw. Wei ka wa khia kamwa 300 kilo.

sbi-atm6

sbi-atm7

Heini i yut kini ki wa tooh da ieh ki ya u wi u lyngka ha tre kani ka ATM.

sbi-atm5

Da antad wa em kamwa T.18 lak hapoh kani ka ATM wa ym em yoh kini ki watooh u sai. Kani ka ATM toh ka wa khang nadooh 8 waje i miet hadooh 8 waje i step.

sbi-atm8

sbi-atm9

Previous
Next

0 Comments

Leave a Reply