Jowai : Ki nongkreh yong ka Jowai Co-operative Urban Bank Ltd, ha kani ka sngi Chohthat (Saturday) wa dep da yohlad ki wow pynyoo yei kaam lehwyrai yong ki deiwa lai ki wow li e yarap da ka poisa kawa T. 1,00,000 (Chi Lak tyngka) cha ki ar tylli ki thaw ri Khonswet ha Ri Loom Jaiñtia.
Hapoh i yahkhmat yong u Chongknor (Chairman) ka Bank u ma H. Papeng chirup wa u Secretary u ma B. Tang wa kiwi tawan kiwa da lai nyngkong cha ka chnong Wahiajer hei wa da e yarap ki ya katæ ka thaw ri khonswet T. 50,000.00 (Sanphaw Hajar tyngka). Da e haroh ya ki baam ki dih cha kitai ki khynnah khonswet.
Hadein wa da dep na Wahiajer kini ki nongkreh yong ka JCUB da lai won ki sa cha ka chnong Sahsniang nei bynta wow li pait li yoo ya ki khonswet kiwa em ha NEIMA orphanage, Sahsniang næ ka thaw ri khonswet.
Heini leh kini ki nongkreh Bank da e yarap poisa ki T.50,000 (Sanphaw Hajar tanka) chirup wa ki baam ki dih.
Neiliang yong ki nongkreh Bank da e ki yei klam i snieñ ya ki khynnah khonswet kiwa em ha waroh ar tylli kitae ki thaw ri khonswet.
Neiliang u ma B. Iano MDC uwa man leh u Vice Chairman ka Bank da e sniawbha u T. 5000.00 (San Hajar Tyngka) cha ka NEIMA Orphanage, Sahsniang.
Discussion about this post