Chi payu para wa ki kurim wa yaknieh yaleh Election chiteiñ samoi na Constituency wa da ieh u Saleng  

Kam chibynta wow pynkhreh ya ka Election chiteiñ samoi neidaw wa da ieh noh u Saleng Sangma yei man MLA na Gambegre hadien wa jop u ya ka Election MP ini wa dep.

Neiliang ka NPP da pynkhreh ko yei pyrtuid ki kyrtong wow pynyieñ na kani ka Constituency heiwa dadep jied yei pyrtuid ki soo ngut yow pait kiwon wa ye u jop.

Ka Party da dep chong yalang ko ynnin ka sngi wei daw pynbna ki yei pyrtuid kyrtong ha kani ka tayaaw wow wan.

Kiwa da kwah wow yaleh Election da em ki kamwa 10 ngut wei na kini da em kiwa da randien wei ki pyrtuid wa dang pyrkhat kattæ toh ka kurim u Conrad K Sangma, ka Mehtab Chandee Sangma, ka diah u kawa man leh kam ka MP warim, ka Agatha Sangma, u diah u uwa jooh man kam u MLA warim, u James PK Sangma waka kurim u James ka Jasmine Bonny Sangma.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kiwa boon da ong ki wa ka Ticket ye ko wow lai cha ka kurim u Conrad heiwa u James ym em sñiawsuk u yeini neibhah wa kwah u wow yaleh da oo.

Neiliang ka Congress won da pyrkhat ko wow pynyieñ da u Jingjang M. Marak uwa yajan bha wa u Saleng wei ye leh wow pynyieñ da ka MLA warim, ka Deborah Marak.

Ka TMC ye ko wow pynyieñ da ka kurim u Zenith Sangma, ka Sadhiarani M. Sangma kawa dadep yaleh Election la ar sien na kani ka Constituency heiwa da rem ko da kamwa ar hajar tam ki Vote wei katni man ko leh kam ka MDC na Dengnakpara Constituency.

U MDC ka BJP na Tura, u Bernard N. Marak leh da pynsñiaw u yei kwah wow yaleh ya kani ka Election chiteiñ samoi.