Chi rta phah kset ka yung bichaar ya uwa pynyap bru deiwa thlieh da ka wait ha Barato

Ha ka 25 tarik uni u bnai, ka yung bichaar u N. A. Khan, District & Sessions Judge, Jowai, da rai pynrem ko ya u Weslyborn Pala uwa na chnong Barato hapoh ka kyndon namo ka Section 302 ka IPC heiyatoh wa ki kaam pynyap bru.

Ini i kaam pynyap bru toh iwa da jia nadooh u snem 2009 heiwa da yoh FIR ha ka 07-08-2009 wa booh da ka Eragina Timung kawa man ka khon uwa chah pynyap.

Katkam ka FIR wa da booh ha u In-Charge ka Nartiang Police Investigating Centre (PIC), da ong wa ha ka 06-08-2009, heipor kamwa 8:00 waje i miet, u Wesly Pala da pynyap u ya u Bransely Suiai deiwa thlieh oo da ka wait hadooh wa yap pyn ha ini i thaw wa jia.

Related posts

Yoh kem ki pulit ka East Jaiñtia ya ki soo ngut kiwa pynemkaam da ka Ambulance yow kit drugs wa chongdor Rs.1.5 klur

October 12, 2026

Chah kem u kurim heiyatoh wa i yap ka manbei kawa na Ri-Bhoi ha Eastern West Khasi Hills

October 8, 2026

Ya kani ka Case da booh ha Jowai wei da takit wei Charge Sheet da u SI W. Vaichei hapoh ka Section 302 ka IPC.

Ka yung bichaar hadien wa da pait ko ya waroh ki sabut, da phah kset ko ya u Weslyborn Pala waroh chi rta deilang ka kuna wa Rs. 5,000.