Ha ka 25 tarik uni u bnai, ka yung bichaar u N. A. Khan, District & Sessions Judge, Jowai, da rai pynrem ko ya u Weslyborn Pala uwa na chnong Barato hapoh ka kyndon namo ka Section 302 ka IPC heiyatoh wa ki kaam pynyap bru.
Ini i kaam pynyap bru toh iwa da jia nadooh u snem 2009 heiwa da yoh FIR ha ka 07-08-2009 wa booh da ka Eragina Timung kawa man ka khon uwa chah pynyap.
Katkam ka FIR wa da booh ha u In-Charge ka Nartiang Police Investigating Centre (PIC), da ong wa ha ka 06-08-2009, heipor kamwa 8:00 waje i miet, u Wesly Pala da pynyap u ya u Bransely Suiai deiwa thlieh oo da ka wait hadooh wa yap pyn ha ini i thaw wa jia.
Ya kani ka Case da booh ha Jowai wei da takit wei Charge Sheet da u SI W. Vaichei hapoh ka Section 302 ka IPC.
Ka yung bichaar hadien wa da pait ko ya waroh ki sabut, da phah kset ko ya u Weslyborn Pala waroh chi rta deilang ka kuna wa Rs. 5,000.
Discussion about this post