Ka Joint Action Committee Namchiang Narpuh (Tongseng-Ratacherra), East Jaiñtia Hills, da pynsñiaw ko yei sñiawkhia wa joor hajrong i wym bna ka sorkar lyngba ka NHAI wow pynchna ya u sarok NH-6 kamwa da kular.
Da ong wa ini wym leh ka sorkar iyi iyi yow pynbha ya u sarok da pynjinjar ko ya kiwa lai wa wan neidaw wa da sih u chawa palat pood.
Iwa da yoo kulmar toh wa ka NHAI da siang rong (Blacktopping) ko ha ki bynta yong u sarok wa dang miat wei da ieh ya ki thlu ki krem wa em ha tymbud sarok wei ini toh i leh u Contractor du yow yoh u pynlait Bill wei i kreh leh man kamwa tlep ait miaw donhi.
Boonsien kiwa lai wa wan khamtam kiwa kjut wa chitom da sahkut neidaw wym lait ki kari u lai laitlooid nadooh na Tongseng chadooh Umkiang, Ratacherra khamtam ha ki bynta ka Mandir da ki boon boon kynta neibhah wym ye de ki kari wa kit moochuni wa kit mooyong u lai kiwa da kit khia palat pood wei kani man ko iwi na ki daw wa sahkut kari ha tymbood u sarok NH-6.
Neiliang ka JAC da kyntu ko ya ka sorkar kamjooh ka NHAI wow pynchna ya u sarok NH-6 hapoh chi tayaaw wei lada ym ye, neiliang ka JAC daw pynlang paidbah biang ko yow khang syndon ya u sarok.
Ka JAC da maham ko leh ya ki Truck kit mooyong, kit moochuni wym toh u tyngkheiñ ki ya ka hukum yong ka Supreme Court deiwa kit palat pood neini chakhmat wei lada chem, daw mih paidbah yow kem naphang ya kini wei daw e leh da ka FIR.
Ka Wyrta na u Lasting Pala, Chairman JAC Namchiang Narpuh.
Discussion about this post