15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Chibnai e por ka HSU ya ka JHADC wow pyndam ya kiwa thungkreh tooh wei wow khut da ka Advertisement

0 Comments
Advertisement ad1

Jowai: Ka seiñ Hynniewtrep Students Union (HSU) Central Body da beiñ joor ko ya ka Executive Committee ka JHADC hapoh i yahkhmat da u CEM u Thombor Shiwat hajrong i chah pynbaad u lyngba u MDC ka Jowai North u Marki Mulieh yei thung kreh be-aiñ hapoh ka Council.

Ka seiñ da dap ko dei sñiawkhia hajrong ini i lehbor u CEM iwa khlem pyrkhat chooh ya ka mynried yong ki khynroo khyllood kiwa emhok wow yoh yeini i kreh deiwa thung kaam sop sop u.

Da kylli ka seiñ wa ka Council toh ka yong ki paidbah namo yong ki kattu katni donhi ki bru wa em ha i bor mo?

Iwa pynlangoh chooh chooh ya ka seiñ toh wa da thung kreh ko da ki phaw tylli khlem pynbna paidbah (Advertisement), kamtæ ka seiñ da dawa ko wow pyndam kreh noh ya kiwa da thung kreh be-aiñ wei wow khut Advertisement biang sa chisien wei wow bood katkam ki kyndon thungkaam ka Council.

Ka seiñ leh da maham ko wa lada ka Council ym leh ko ya ini hapoh chibnai ka seiñ daw lai ko da kawi tawon ka luti wa khor, pynkut ka khubor na u Presient ka seiñ u Kyrshan Rymbai.

 

Share this:
Previous

Dawa ka JNC-CB wow booh pulit pyllai kari noh ha ki laad wow lai cha skur khamtam ha Khliehriat

Next

Sñiawngooh ka KNGCSU ya u Chairman ka PAC wa chimkhia u wow kreh neibynta kani ka thaw puræ