Chim bynta chongchit ki 7 tylli ki chnong yow pynpoi um dih cha ka PHC Wapung Pamra

Jowai: Ka Wapung Pamra Public Health Centre da maad ko i eh wa boonjait khamtam wa ka um baam um dih ha kini ki snem kiwa da lai.

Tangwa dei kreh chitom yong u Doctor Fernandis Lamin uwa pait ya ka PHC da pyrchang u katwa ye i bor u thooh ya ki umchangped wa khooid neibynta i bha i miat ka PHC. Da thied u da ki pipe um plastic yow pynpoi um ha PHC hadien wa chem ya kawi ka umchangped kawa biang neibynta ka um baam um dih wei da chem leh ya ka ha kawi ka khloo ha Wapung ya kawa tip kam ka Synrangpailiang.

Kam wow pynneh pynsah ya kani ka umchangped, u Doctor F. Lamin da yoh u yei kreh lang wa ka Mihmyntdu Community Social Welfare Association Jowai (MCSWA). Kani ka seiñ hei yahkhmat u J. Mohrmen, District Project Coordinator Community Action For Health da ong u wa kani ka umchangped man ko kawa biang wow pynemkaam ya ka PHC. Da kreh lang leh wa ka Village Health and Sanitation Community (VHSNC) hei yatoh wa ini i kaam.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka sngi kiwa chong chnong yong ki Ynñiaw tylli ki chnong kiwa haap hapoh kani ka PHC ki da wan chimbynta chongchit ki deiwa tymmoh khyndaw ki ya ki pipe taan um chaddoh cha PHC.

U ma Aiban Challam, Junior Engineer yong ka Health Engineer wing DM&HO Jowai, ki ar ngut ki waheh chnong na ka chnong Wapungskur wa ka Pamra deilang wa ki chong chnong yong ka chnong Pamrathlu, Mukhaialong, Iongkaluh wa ka Tuber leh da emlang ki ha kani ka sngi yow krehlang wow pynpoi ya ka um baam um dih cha Wapung Pamra PHC.