Chim ka manbei yei mynsien u khon dep te pyrchang ko u yut deiwa kit yei metyap hapoh Suitcase

Kawi ka manbei wa tip kam ka Suchana Seth kawa man kam ka CEO yong kawi ka AI Start-Up Company da chah kem ko hadien wa tynyap ko pyn ya u khon ko uwa dang soo snem ha iwi i yung (Service Apartment) wa em ha ka jylla Goa wei da yoh wow kem ka heipor wa dang yut ko da kawi ka kari kamai deiwa kit lang yei metyap u khon ko hapoh kawi ka Suitcase.

Ka Suchana kawa man kam kawa sdang yaka The Mindful AI Lab kawa em ha Bengaluru da psiah ko ha ini i yung wa syad dor wa em ha Candolim, North Goa haka 6 tarik uni u bnai wei da mih ko hei step ka 8 tarik.

Hadien wa pyndep yaka Post-Mortem u khon ka Suchana, da chem toh uwa da khlaad 36 kynta chwa u chem ya oo wei da tynyap ya oo deiwa pyndooh sang-et iwa ye u leh deiwa ban da ka syngkhlieh næ deiwa tymmoh da ka that neibhah ym em dak ha u rdang wa chah ksih u.

Ki pulit hawa pynman yei takit da ong ki leh wa kani ka manbei da pyrchang ko wow pynkut yei mynsien ko deiwa ah yei thied kti da ka kait heiwa da chem leh yei snam hapoh kani ka yung.

Related posts

Chah kem sa ar ngut kiwa na Meghalaya kiwa krehlang wa kiwa tooh thuk-thuk na Assam

December 24, 2024

Pteiñ i chah tooh ki thuk-thuk ha kylleiñ ka Meghalaya

December 16, 2024

Nyngkong da pyntip cha ki pulit da kiwa kreh ha kani ka yung kiwa da psiah chapoh hadien wa mih kani ka manbei heiwa da chem ki yei snaam ha kawi ka that niamdoh.

Da pyntip ki leh cha ki pulit wa heipor wa mih ko da rah ko ya kawi ka muna wa khia bha wei ym em de yoo ya u khon ko uwa da wan lang waka.

Kamtæ ki pulit da pyntip ki cha ki pulit ka Chitradurga wa da em hapoh Karnataka kiwa da pynsangeh yaka kari wa pynemkaam ko wei manda wai ki yaka Suitcase da chem ki yei metyap u khon ko.

Ya ka Suchana da kem ya ka wei da wanrah cha Goa heiwa ka yung bichaar da phah kset ko ya ka 6 sngi.

Ka Suchana man ko ka bru kawa da biang ka puræ puthi kawa em Master Degree haka Physics deiwa puræ kyrpang yaka Plasma Physics deilang waka Astrophysics naka University of Calcutta wei da yoh ko leh ya ka First Class Honours ha u snem 2008.

Da em ko leh yaka Post Graduate Diploma ha ka Sanskrit deiwa yoh yaka First Rank naka Ramakrishna Mission Institute of Culture, da em ko leh yaka Bachelor Degree ha ka Physics (Honours) deiwa yoh First Class Honours na Bhawanipur Education Society College, Kolkata.

Da jooh kreh ko waka Berkman Klein Center ar snem yow yarap ha ki kaam wa yatoh wa ki Artificial Intelligence deilang wa ki Machine Learning ha Boston, Massachusetts, USA.

Da mih leh i pyrtuid ko haka 100 Brilliant Women in AI Ethic List.

Da heh da san ko ha West Bengal tangwa katni da im ko ha Bengaluru wei u kurim ko toh u Venkat Raman uwa na Kerala tanga da ya lait noh ki ha u snem 2020 hadien wa kha ya u khon nyngkong ki ha u snem 2019.