Ka RKSK (Rashtriya Kishor Swasthya Karyakram) kawa da pynkrehkaam daka Ministry of Health & Family Welfare hapoh ka National Health Mission, ha Meghalaya da poi ko chei 7 snem nadooh wa sdang yaka.
Ka RKSK toh kawa neibynta i chait i khiah kiwa dang khai khynroo (National Adolescent Health Program) kiwa em ha i rta 10-19 snem.
Kam chibynta i lyngkhooh dap 7 snem ka RKSK hapoh ka jylla, da pynman yei chim kular wow yait nei chongkha dang khian rta heiwa ya ini da kular da ki spah ngut ki khynthai wa dang khai khyllood hapoh ka jylla nadooh ki kynthai wa em ha ki skur, ki chnong ki thaw, ki thaw ri khynnah, ki thaw ri khonswet wa ki Youth Club.
Ya ini da leh neidaw wa hapoh Meghalaya, 9% na kiwa punkhon toh kiwa em hapoh 19 snem wei ini ktah bha ko yei chait i khiah ki kynthai iwa da yah cha kiwa boon ki kaam wymman.
Ya ini i chim kular da leh ha ki le tylli ki ktien kitæ English, Garo wa Khasi yow pynkynmoo wa i por khai khynroo toh iwa kordor wei toh i por wow pyrkhat chwa yaka puræ puthi, u pynmyllien yaki kaam wa bha wei wow yait nei punkhon, u yoh kurim wei u bia chwa wow dap 20 snem i rta.
