Ka 70 Run na u Rohit Shah uwa na Nongpoh da pynjop ko yaka Meghalaya da 8 Wicket yaka Arunachal Pradesh haka Vijay Hazare Trophy kawa pynman ha Chennai ynne ka sngi.
U Shah uwa wai leh yaka kamai Run, da yoh u 70 Run na ki 84 tylli ki bol khlem haap ka Wicket, iwa pynpoi yaka Meghalaya cha ka 157/2 na ki 28.5 Over hadien wa da khang yaka Arunachal da 153 All Out haka Innings wa nyngkong heiwa u Chengkam Sangma uwa da yalehke leh haka sien nyngkong ha kani ka Tournament da yoh u 3/21.
Kiwi de kiwa yoh Wicket yaka Meghalaya toh u Sanjay Yadav (2/30), Ravi Teja (1/13), Aditya Singhania (1/24) wa u Abhay Negi (1/37).
Hawa kdong yaka thong, u Shah (8x4s) wa u Yogesh Tiwari (28 na ki 25 bol) da kamai lang ki 47 Run yaka Wicket wa nyngkong. U Lerry Sangma hadien ini da wan u wow kamai 12 Run wa u Ravi Teja 32 Not Out yow yarap yaka Meghalaya wow jop da 8 Wicket deiwa sah 21.1 Over.
Ka Meghalaya kattu daw yaleh ko yaka yalehke wa khaddooh yong ka pyrchah yaka Manipur haka 1 tarik u bnai wow wan.
