Chim rai ka dorbar chna aiñ ka Kerala wow pynkylla pyrtuid noh ya ka jylla cha ka Keralam

Hadien wa jan dap chi snem wa ka yung dorbar chna aiñ ka jylla Kerala da mynjur ko ya ka rai (Resolution) yow kyrpaad ya ka sorkar pyrdi wow pynkylla pyrtuid noh ya ka ‘Kerala’ cha ka ‘Keralam’, ynne da mynjur biang sa chisien ya ka Resolution wa thymme deiwa pynkylla malu mala ya ka warim hadien wa ka sorkar pyrdi da pynuiñ ko ya ka Resolution deiwa phah pynbait ya ki kattu katni ki bynta.

Ya kani ka Resolution wa da wanrah da u Chief Minister, u Pinarayi Vijayan da dawa wow leh yeiwa emkaam katkam ka Article 3 ka riti synchaar ka ri yow pynkylla pyrtuid ya ka jylla cha ka ‘Keralam’ hapoh ka First Schedule ka Constitution.

Related posts

Da ka Bravery Award pynkup burom ka Dong Lumkynsaw ya u S.S. Langi

August 15, 2026

Heithaw ka lama le rong ka ri pynyieñ kiwa chong chnong ka Lapangap da ki lama rong yong

August 15, 2026

Ka Resolution wa nyngkong toh kawa da wanrah ha ka 9 tarik u Naisaphra ynnin u snem heiwa da ong leh wa toh u leh yeini hapoh waroh ki ktien wa em hapoh ka Eight Schedule tangwa katkam ki kyndon ym emkaam wow pynkylla ya ka Eight Schedule tangwa emkaam du wow pynkylla hapoh ka First Schedule, kamtæ da hap chim da ka Resolution wa thymme.

Katkam wa ong u Pinarayi wa hapoh ka jylla ki ym em ong ki Kerala tangwa Keralam hei ktien Malayalam.