Ka 26 tarik u Khonchonglad khlieh u snem toh ka sngi wa tip kam ka Constitution Day næ ka sngi khroo sngi kyrpang yong ka riti krehkam ka ri India (Samvidhan Diwas).
Kamtæ ki skur waphær hapoh ka West Jaiñtia Hills District katkam ka hukum yong ka Ministry of Education, Department of School Education & Literacy, New Delhi da kitkhia ki wow pynman wow puræ ki khynnah skur ya ki kyntien yahkmat yong ka Constitution næ ka Preamble.
Neiliang kiwa sikai chwa wow puræ ya ka Preamble da kdar ki wow klam u khana hapyrdi ki khynnah chaphang ka Indian Constitution deiwa kynmoo kyrpang leh yei pyrtuid i naam u Dr. BR Ambedkar uwa man uwi na kiwa yahkhmat yong ka Drafting Committee namo kiwa thoh ya ka Constitution.
Ka thong i pynman ya kani ka sngi toh wow e wyrta chula cha ki khynnah skur kamjooh ki paidbah wa chong chnong chaphang ka riti synchaar wa i krehkam ko hapoh ka ri heijooh i por u man ko leh ka sngi wow kynmoo burom ya ki dkhot ka Drafting Committee wei wow pynche pynsñiawthooh leh ya ki paidbah chaphang i hok wei kaamram (Rights & Duties) kam kiwa chong chnong.
Discussion about this post