Jowai: Ka National Service Scheme yong ka Thomas Jones Synod College ha kani ka 5 tarik da pynem warom ko yaka World Environment Day deiwa lai thung dieñ kamwa 100 tre ha chnong Ammutong wa haap hapoh ka Amlarem Civil Sub-Division hajrong ka phang “Connecting People to Nature.”
U Programme Officer ka NSS Unit u W. Lamin da khana u wa, ya kani ka sngi pynneh pynsah rymaw da pyndep ha kani ka chnong toh wa da man ko kawi naki chnong wa ka NSS Unit Thomas Jones da jied ko wow wanrah i roi i paar, i kylla nalor wa da dep chna ki yaki footpath, da dep pynman ki yaka Medical Camp wa kiwi.
Da ong u leh wa ka phang yong uni u snem klam ko wa toh u em i yajan hapyrdi ki bru wa ka rymaw, neibhah kat nanglai ki por i emkaam u bru naka rymaw dang joor ki, kamtæ kam ki bru wa pynemkaam yaka, toh u em i kitkhlieh wow pynyirngam yaki soodong sookun deiwa thung ya ki dieñ wow wanrah myntoi ya i hi kam ka um, ka la-ær wakhooid wa kiwi.
Hawa e i klam pynche yada rymaw da e nongmuna ki leh yaka wah Myntdu kawa e umdih yaka sor Jowai wa da wiar i khooid i jngiar ko katni wei ka NGT leh da maham ko wym hoi de u pynsih yaka wah myntdu.
Ka J.Kharpuri Incharge SDO Amlarem heiklam kam ka kongsan ong ko, katni boon i hi ki bru wa yaleh u pynsih ya iwon iwon wa da e ka rymaw deiwa pam deiñ, tynyap ya ki sim ki mrad, tangwa sñiawsuk won wa kani ka sngi pynkynmoo ko wow leh iyi næ iyi ya ka hawa chim iyi iyi naka emkaam leh u e biang cha ka deiwa thung dieñ wei neiliang ka sorkar leh da yaleh ko u wanrah ki aiñ waphær waphær yow khang nei pynsih yaka rymaw.
Ha kani ka sngi pynemwarom rymaw ki dkhot ka NSS Unit Thomas Jones Synod College da yachim bynta chongchit lang ki wa kiwa chong chnong ka Ammuthong hei thung dieñ.
Discussion about this post