Kam chibynta i dawa ka FKJGP War Jaiñtia wow booh Speed Breaker ha Ladjaplem heiwa da dep leh wow e dorkhat neibynta ini ha u EE PWD (Roads) Central Division ha ka tayaw wa nyngkong uni u bnai, kamtæ ynnin ka 19 tarik, u R. Challam, JE PWD (Road) Central Division Jowai deiwa emlang leh ki waheh ka chnong Ladjaplem, ki dkhot ka FKGJP War Jaiñtia Circle da lai pait ki yei thaw wow booh Speed Breaker ha sarok NH 40E ha Ladjaplem .
Neiliang ka seiñ da ong ko wa ini i wan smat ka chnat PWD da e mynsien ko chiboon wei khamtam ya ka chnong neibhah kani ka thaw toh kawa em ka laad wa lai ki khynnah cha skur wei kamjooh ka laad Mini Stadium.
Neiliang ka seiñ da lai pynyoo ko ya kiwi ki bynta wa em i maa kam ka laad wow lai cha yung krehkaam u BDO ka Amlarem, kamtæ neiliang ka seiñ da booh ko yei kyrpaad ya ka chnat PWD wow sñiawbha u leh yeiwa emkaam khnang wow lait na i jia wa sñiawsih.
Ka kyrwoh na u President ka FKJGP War Jaiñtia Circle, u Bahshlur Mukhim.
