theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da pynman yaka tamasa KSING wow lehkmen yei tynre

Ka chnat  Arts & Culture ka sorkar Meghalaya da pynman ko yaka tamasa wa chi sngi wow lehkmen ya ka dustur riti deiwa pynyoo rong yei tem i put, i baam tynre, ki soh ki pe, i chaad tynre, ki tiar kyndehke tynre wa kiwi kiwi heiwa ya kani ka tamasa da e pyrtuid KSING (Khasi Songs in Indigenous Glory).

Kani ka tamasa wa chi sngi da pynman haka 18 tarik uni u bnai ha chnong Wahkhen, East Khasi Hills kawa da tipmit kam ka Khasi Musical Heritage Village namo ka chnong i tem i put heiwa uwi pa uwi uwa chong chong da man ki kam kiwa tem sur wa kiwa stat leh u rwai. Ha kani ka chnong ki khynnah nadooh dang khian da sdang ki wow pynkhih ya ki kti ki kjat yei sur ki ksiñ wei ini da booh ko yei symbe nadooh wa dang khian.

Advertisement ad1

Kam chibynta wow lehkmen leh yei dap 75 snem i yoh laitlooid ka ri India wa kamjooh i lehkmen dap 50 snem ka jylla Meghalaya, da lehkmen lang leh ya ka Janjatiya Gaurav Diwas yow leh warom ya ki khlawait ki jaitbru ri-loom kiwa da yaleh pyrchah ya ki pharæng wei ya kani ka Janjatiya Gaurav Diawas toh da sdang da ka Ministry of Tribal Affairs yow lehkmen leh ya ka riti dustur ki jaitbru ri-loom ka ri.

Ha kani ka KSING hei sien wa nyngkong da rwai paidbah ya i ‘Jingrwai Iawbei’ i sur wa da rwai da ka bei yow kyrkhu yei khon, da em leh i Tem Ksing Phong, Tem Kdor, Shad Ngoh Krai, Shad Sut, Shad Kiew Iing, Shad Skain, Rwai Saw Rishot, Shad Khyrdem wa i Shad Mastieh.

Da emlang kam u kongsan da u Munish Singh, Regional Director ka Indian Council for Cultural Relations (ICCR), ryngkat u Sordar ka chnong, u S. Khongjirem, u Assistant Director ka chnat Arts and Culture, ka sorkar Meghalaya, ka D. Kharjana, Empaneled Member ka chnat, u Kit Shangpliang uwa rwai ka dhab tem Summersalt wa kiwa yahkhmat chnong.

Advertisement ad1
Share this:
Previous

Rah ka Dongmishsngi Junior’s yaka 4th Evening Super-4 Football Tournament 2022

Next

Chimkhia ka PWD yei dawa ka FKJGP wow booh Speed Breaker