Ki ar seiñ wa kynthup ya ka Southern Border Youth Welfare Association (SBYWA) wa ka JYF South Eastern Border Circle da chimkhia ki wow chna pynmiat ya u sarok nadooh Wah Lama hadooh ha chnong Natbor.
Ya ini da leh ynnin hapoh i yahkhmat u Skhembor Shadap, President ka SBYWA wa u J. Lakhi uwa man kam u Working President ka JYF-SEBC.
Ki ar seiñ da leh ki yeini toh hadien wa da ood ki paidbah wa lai wa wan na uni u sarok uwa da sih uwa da ktah ya ki khamtam heipor wa chitom.
Hajrong uni u sarok ki ar seiñ daw booddien ki chaphrang khamtam wow pynbor ya ka sorkar wow chna pynmiat chwa ki bnai lyur wei daw thoh ko leh cha ki bor ka PWD hajrong ini.
Discussion about this post