Ki pulit yada ya ki rood duriaw ka ri namo ka Indian Indian Coast Guard ha kani ka 12 Tarik da chimkti ko ya ki ar tylli ki jhaad wa thynme wa da e pyrtuid kam ka Indian Coast Guard Ship (ICGS) Annie Besant wa Amrit Kaur ha ka yalang wa man ha Kolkata.
Ha kani ka sngi da emlang u Defence Secretary u Ajay Kumar, u Director General of Indian Coast Guard u K. Natarajan wa u Additional Director General Coast Guard Commander (Eastern Seaboard) u V.S. Pathania wa kiwi kiwi.
Kini ki jhaad jrong ki kamwa 48.9 metre kmai ki kamwa 7.5 metre wei ye ki wow kai smat dooh (Speed) toh hadooh 34 knots namo 62 Km/hr.
Ki kor wa pynemkaam ha ki toh ki MTU 4000 Series Engine wei ksaaid ki deiwa pynemkaam ya ki 71S Type III Kamewa Water Jet yong ka Rolls Royce.
Kini ki jhaad ye u pynemkaam ya ki hawa uiñ sonteri, u thooh, u e yarap wei wow pynlait im ya ki bru wa kiwi kiwi.
Ka ICGS Annie Besant wa ICGS Amrit Kaur da pyndait ha ki ya ki tiar kiwa katkam ka juk wa katni wei em leh ki Bofors 40/60 Guns wa ki 12.7 mm SRCGs (Stabilised Remote Controlled Gun).
Discussion about this post