Jowai: Ynnin ka sngi u heh yong ki chipai duriaw namo ka Indian Navy, u Admiral Sunil Lanba da wai u ya ka jhad yapam hapoh yong ka Project 15B, kawa man leh ka Guided Missile Destroyer.
Ya kani ka jhad da tip kam ka INS Imphal, wei da chimkti ya ka ha Mazagon Dock Shipbuilders, Mumbai. Kani ka jhad toh kawa da pynwandur wei da chna pyn hapoh ka ri wei khia ko 3,037 tonne.
Hapoh yong ka Project 15B ya ki jhad da chna katkam ki stat ka juk wa katni wei man ki leh kiwa sariem wa ki jhad wa bha tam kamwa em cha kiwi tawon ki ri.
Da pynwandur ya kani ka jhad da ka Directorate of Naval Design kawa man kawi na ki chnat hapoh ka kaam yada ri ka sorkar.
Kawi ka jhad hapoh kani ka project jrong ki kamwa 163 metre wei pynemkaam ki ya soo tylli ki Gas Turbine wei ki wow lai palat ya ka 30 knots (55 Km/h).
Kini ki jhad hapoh ka P15B da chna ya ki ha i rukom wow neh slem ki, deiwa pynemkaan ya i stat murieh (stealth) wa kiwi kiwi.
Ye ki leh wow kit ya ar tylli ki Multiple Role Helicopter, ki Multi-Functional Surveillance Radar ki Vertically Launched Missile System wa kiwi kiwi.
Source : Indian Defence News
Discussion about this post