15 49.0138 8.38624 1 1 4000 1 https://wyrta.com 300 0

Pdung bomb ha le tylli ki yungmane ha ka Easter Sunday ha Sri Lanka

0 Comments

I pdung kamwa 7 tylli ki bomb ha ki 3 tylli yungmane ki Khristan wa ha ki 4 tylli ki Five-Star Hotel wa em ha Sri Lanka ynne ka sngi wa man leh kam ka Easter Sunday da wanrah i yei dooh i mynsien kiwa 158 ngut wa kynthup ya 35 ngut ki phareng.

I pdung bomb da sdang nynkong i ha ki le tylli ki Hotel kiwa tip kam ka The Shangri-La, Kingsbury, Cinnamon Grand wa ha kawi ka yungmane kiwa em ha Colombo, Sri Lanka wei da sdang ki bomb u pdung nadooh 8:45 i step.

Ki yung mane wa chah ktah toh kawi kawa em ha Colombo da tip ya ka kam ka St. Anthony’s Church, sa kawi toh ka St. Sebastian’s Church wa em ha Negombo wei heini ka yungmane da khlaad 67 ngut wa sa kawi wa em ha chnong Batticaloa heiwa 27 ngut da khlaad kiwa em hapoh kani ka yungmane kiwa em jngai iwi na iwi.

Kiwa mynsoo da poi ki kamwa 400 ngut wei ki u ki neidaw wa dang em ki khubor wa ong dang em chooh ki thaw wa pdung bomb.

 Ym pu em wa wan cha khmat wow kam kiwa leh ya kini i kaam wei ka Sri Lanka man ko kawa chong suk nadooh wa chah pynrem ki Tamil Tiger ha u snem 2009 tangwa em ki por mih ki yachoh hapyrdi ki Muslim wa ki Buddhist.

Ha Sri Lanka na ki 22 million ngut ki bru wa em ha ka, 70 percent toh ki Buddhist, 12.6 percent Hindu, 9.7 percent Muslim wa 7.6 percent Christian, katkam ka 2012 Census kani ka ri.

Advertisement ad1

0 Comments

Leave a Reply