Ki chipai ka Central Industrial Security Force (CISF) da chimkti ki wow sonteri (Security) noh ya ka Jammu Airport.
Ya kini ki chipai ha kani ka thaw daw khlieh da u sahep wa e mi kyrdan Sr. Commandant.
Wow sonteri ya ka Srinagar Airport da ekti ha ka CISF nadooh ka 26 uni u bnai wa dadep.
U V. S. Mann, Inspector General, CISF Airport Sector, da man u kam u kongsan heipor wa pynman ya ka yalang ekti ha wow sonteri hei emlang ki heh ka CISF, ka Airports Authority of India, CRPF wa kiwa mihkhmat na ki karkhana pynhær lieñsuiñ (Airline operators) kam na ka Air India, Air Asia, Indigo, Spice jet, Go Air wa kiwi kiwi.
U Dr. P. R. Beuria, Airport Director, Jammu, da ekti u ya u chabi pyndur (Key Replica) ha u Gurjit Singh, Commandant/CASO Jammu Airport kam ka dak wow ekti yei sonteri ha ka CISF.
Neiliang u V. S. Mann hawa e yei klam da kyntu u ya waroh ki chnat wow yakrehlang ki wa ka CISF khnang wow ye u yada ya ka Airport.
Hadien ka yalang da lai sylli leh ya ki thaw psiah ka Airport (Terminal Building) wa kiwi kiwi ki thaw.
Wa ini i chimkti ka CISF wow sonteri ya kani ka thaw da pynboon leh sa kamwa 63 ngut ki chipai ha kani ka Airport.
Discussion about this post