Shillong: U Achal Kumar Joti da chimkti u kam u Chief Election Commissioner (CEC) wa 21 ka ri India hadien wa da pyndep u Dr. Nasim Zaidi yei por yong oo ha ka 6 tarik uni u bnai.
U Joti hadien wa chimkti u da ong u wa i kaamram wa ha khlieh dooh ka Commisssion toh wow pynman ya ki Election wa khooid ha waroh ka ri, u pyntikna wa waroh kiwa da biang rta u yoh ki yei hok wow thap vote wei wow pynkrehkaam ya ka e-Governance ha ki Election MP wa MLA hapoh ka ri.
U Joti da jooh man u kam Election Commissioner nadooh u snem 2015 wei heipor yong oo da dep pynman ya ki Election MLA ka jylla Bihar, Assam, West Bengal, Kerala, Tamil Nadu, Puducherry, Uttar Pradesh, Punjab, Uttarakand, Manipur wa ha Goa.
Chwa u em u ha ka Election Commission ka ri, u Joti kam u IAS (1975 Batch) da kreh u la 42 snem wei da jooh man u leh kam u DC ki District Surendranagar, Godhra wa Kheda. Da jooh ksoh u leh kam u Secretary (Water Supply), Secretary (Industries), Principal Secretary (Finance), da jooh man u leh kam u Chief Secretary ka sorkar Gujarat.
Discussion about this post