E yaroh ka JSU-1 ya u Marki Mulieh deiwa beiñ joor ya ka JHADC

Jowai: Ka JSU-1 seiñbei da pynsñiaw ko yei kyrchaan ya u Marki Mulieh heiwa da dawa u wow hiar chuki noh u Thombor Shiwat kam u CEM ka JHADC.

Da ong ko wa dap ko dei mynsien wa khia hajrong wa mih khubor yeiwa jia hapoh ka Council iwa da pynbor ya ka seiñ wow chong pyrkhat ko ha kani ka 5 tarik hei yatoh wa ini.

“I mih khubor wa kamni da pynartatien ko ya ki khynroo khyllood iwa da pyndooh mynsien leh ya ki” da ong ka seiñ.

Ka seiñ da ong ko wa lada em kiwon kiwon ki kaam wa lait toh u lai katkam ka aiñ deiwa pyntip paidbah yeini (Advertisement) khnang wow ye ki khynroo khyllood wow thap wei wow yaleh.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ka seiñ leh da ong ki wa da phylla ki yei mih khubor heiwa u Marki da ong u wa da thung 90 ngut katwa neiliang u CEM won da ong u wa da thung du 10-12 ngut haka Post Grade-IV.

Ka seiñ da ong ko leh wa nalor wa mih i ood kiwa kreh kamjooh ki MDC wa duna ka poisa ha ka Counci wei wym yoh tulop ki dei langær, kattæ leh dang thung wakreh chooh ka council.

Kamtæ ka seiñ da e yaroh ko ya u Marki wei da kyntu ko leh ya ka Council wow kitkhlieh ko yeiwa leh ko neibynta i bha i miat wei wow pynim ya ka council.

Kani toh katkam ka khubor na u General Secretary ka JSU -1 u Lucky Phawa wa u President yong ka u E.C. Dkhar.