Delhi: U Amit Shah, uwa man kam u Union Minister of Home Affairs, ynne ka sngi da chimkti u kam u montri ka kaam pohyung ka ri. Da pdiang burom ya oo da u Union Home Secretary u Rajiv Gauba wa u Director, Intelligence Bureau u Rajiv Jain hawa poi u ha North Block.
Ya u Amit Shah da pynkup burom leh da ki Ministers of State (Home) wa thymme, u G. Kishan Reddy wa u Nityanand Rai kiwa da chimkti ya ka kaam yong ki ynne ka sngi.
U Amit Shah da chah jied nyngkong u kam u MP chaka samoi wa 17 ka Lok Sabha na Gandhinagar Constituency. Jooh man u leh kam u dkhot ka Rajya Sabha, u montri ka sorkar Gujarat Government wa u MLA ka Gujarat Legislative Assembly.
U Shah toh u koh ka Kusumben wa u Anilchandra Shah, ka manyung da dap wa biang kiwa man kam ki Gujarati wei da kha ya oo ha u snem 1964 ha Mumbai.
U Amit Shah da pyndep u yaka puræ puthi u ha chnong u pa u ha Maansa, Gujarat hadooh wa dap u 16 snem wei hadien wa mih chnong ki cha Ahmedabad da pyndep u yaka B.Sc. (Second Year) Degree na Gujarat University, Ahmedabad.
Da man u leh kam u MLA ka Gujarat Legislative Assembly nadooh u 1997 hadooh 2017 wei da man u kam u montri nadooh 2002 hadooh 2010 wei da ksoh u yaka chnat Home, Transport, Prohibition, Parliamentary Affairs, Law wa Excise. Ha u Naisaphra (August), 2017 da chah jied u cha ka Rajya Sabha, wei da dam u wow man kam u dkhot hadien wa chah jied u kam u MP ka Lok Sabha ha uni u snem.
U Amit Shah dang ksoh u leh yaka kyrdan National President ka BJP hapoh ka ri.
Discussion about this post