Shillong: Ka Meghalaya State League (MSL), ka lympung yaleh bol yong kiwa jop ha ki kyrdan wa heh dooh hapoh ka jylla kawa sdang ynnin u snem kawa jop da ka 7 Wasa United ya ka Tynrongmawsaw ha ka Final wa pynman ha Jowai ha uni u snem kawa pynman da ka Meghalaya Football Association (MFA), ha uni u snem ym pu em yoh monjur naka Sorkar jylla wow pynman biang ya ka.
Ka MSL da man ko leh kam chibynta ka Mission Football ka sorkar warim wa yah khmat da ka Congress heiwa da wan chimbynta 19 tylli ki dhab ha kani ka League.
Ynnin u snem ya ki yalehke da sdang nadooh ka 16 tarik u Kmaichonglaad (Dec) tangwa hadooh ynne ka sngi ha uni u snem ym pu em i pynbna iyi iyi leh.
Ka MFA da pyntip ko leh wa neiliang yong ki da dep pynbiang yeiwa emkaam wei da phah ki cha ka sorkar wow e bor ko u pynman ya ka MSL wa ar.
Kam wow pynkynmoo wa ynnin u snem kiwa jop ya ka Final da yoh ki T. 5 Lak katwa kiwa rem won da yoh ki T. 3 Lak.
Discussion about this post