Jowai: Ynne ka sngi, ka Dorbar Dong Neinchnong Pasyih da pynman ko ya ka pynkhooid pynjngiar ya ka dong ka chnat hei emlang u Waheh Dong u Phrang Bang wa ka VDP Neinchnong Pasyih wa ki paidbah na waroh ki thlu yung kiwa chong wa sah ha kani ka dong.
Da pyntip wa ka dong da em ko i thrang mynsien u wanrah ya i khooid i jngiar ha ka dong kamtæ da pyllait por ki ynne ha pyrdi i chit ka sngi.
Kani pynkhooid dong toh kawa da pynman kamwa chisien chibnai wei da chimbynta nadooh ki khynnah, ki waheh wa ki tymmen kiwa da kreh chitom wow pynkhooid yow wanrah ym du yei khooid kamjooh leh yow lait na i kjut i chitom.
Ka dong da pyntip ko leh wa da leh ya ini kam ka nongmuna ya kiwi ki chnong wa ki dong waphær waphær wow bood lang ki yow man ka thaiñ waroh kawi kawa khooid.
Discussion about this post