Chiteiñ synyaw suba chah rahbor uwi na SWGH ha ki nong Bangla

Advertisement

---

Jowai: Ha pyrdi synyaw ynne ka sngi uwi u bru wa tip kam u Palgun Arengh uwa sah ha Rimtangpara Purakhasia kawa em ha South West Garo Hills da chah rahbor u ha ki bru wa suba toh kiwa na Bangladesh.

Katkam ka khubor wa da yoh da ong wa da em ki bru wa kbai yei pyrtuid u Palgun heipor pyrdi synyaw wei da mih u wow tip kiyi wa khut oo wei ym em de psiah u cha yung. Hadien wa slem u wow poi cha yung ka kurim u da mih ko wow thooh ya oo wei da pyntip ko cha ki pulit ka Purakhasia kiwa da thooh ya uni u bru wa wiar.

Advertisement

---

Ki pulit da suba ki wa da em leh ki tre chnong wa yarap ya ki nong Bangla wow leh ya ini i kaam wei ym pu tip lada dep kit ya oo cha Bangladesh namo dang em u hapoh kani ka thaiñ.

Da phah leh ya ki chipai ka BSF wow yarap thooh ya uni u bru.

Ki tre chnong da ong ki wa ki nong Bangla da tip ki wa ki seiñ kur ki Garo wa smat ki u pyllang poisa yow pyllait ya ki kur yong ki wei kani ym toh ka sien wa nyngkong wa da jia kam ini i kaam.