15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Chitom ki paidbah wa duna ki kaam pynroi ha chnong Thadsning, WJH

0 Comments

Jowai: Ki paidbah wa chong chnong ka chnong Thadsning kawa em hapoh Laskeiñ Block, West Jaiñtia Hills da maad ki ya kiwa boon i eh i khoo nadooh ka umbaam umdih ka um sait that hadooh wa da haap wow sait that cha lyngkha kba iwa da pynsih ya u um, ki umdih leh da sdang wiar ki na ki thlu um neidaw wa da jæd da pra kiwa kær ya ki wow pynneh pynsah ya ka um.

Ka chnong da kyrpaad ko ya ka sorkar wow chimkhia bha ya ini wow e Scheme yow pynkrehkaam ya ka kor um cha nongkyndong ha chnong khnang wa lyngba i biang ki umbaam umdih wa ki um sait um khlieñ daw wanrah ya i chait i khiah wa ka roi ka paar ya ki paidbah.

Da kyntu leh ya kiwa mihkhmat wow chimkhia ya kani khnang wa waroh ki eh i khoo wa yachem wow pynwiar noh ki ha i por wa biang.

Heiyatoh waka bai bordiñ da pyntip wa da kheiñ antaad iwa da wanrah yei khñium ya kiwa pynemkaam hadooh wa da em ki wym su neidaw wym sñiaw yahaap de wa i rukom pynemkaam. Da ong leh wa lada ka tnat bordiñ lada ym em bru ko wow pait ya ini da em boon ki bru na ka chnong wa smat wow kreh neibynta wow pait ya ka bai bordiñ kamjooh wow li saam bai bordiñ.

U Secretary Chnong u Titus Sajem da kyrpaad joor u ya ki bor wa toh u pait lang ya ki chitom wa chem ki bru cha nongkyndong man ka sngi heiwa ha sor haap mang poisa da ki spah klur wow sdang ya ka wi ka kaam saam um wei ha nongkyndong da ki lak leh da biang kamtæ da toh i por wa kiwa em ha i bor yow wanrah ya ka roi ka paar hapoh ka chnong kamwa da pynkhamti ha ki.

Advertisement ad1

0 Comments

Leave a Reply