Jowai : Ka Wah Nonbah ka wa kai na pyrdi ka chnong Nongstoin na ki snem cha ki snem da li ood ki seiñ waboon cha ki bor district nadooh ki Nongstoin Regional Local Taxi Owner and Driver Association (NRLTODA) wa ki khynnah kynroo ka seiñ Western Youth Federation yow pynduna næ pyndooh noh yei noh jhep ki bru cha kani ka wah hadooh wa em leh kiwa pyllai ya ki paikhana yong ki cha ka.
Ini i tieñsaar ki paidbah toh wa lada kamni pteiñ u noh yei jhep ha kani ka wah daw sahkut lut sa du ki jhep i wow kset ya ki luti lai kani ka wah iwa daw ye u wanrah hadooh i chlai um.
Ha kani ki sngi u slap ha Nongstoin da joor bha u ban ban da ki boon sngi hadooh wa kani ka um neidaw da khynñia i luti lai ko wa da boon sa du i jhep da sdang ko u chlai cha ki yung ki bru hadooh wa da kynjoh ko leh ya kawi ka yingkieñ wa em ha kani ka chnong.
Heini i chlai um dang embhah ym pu em wa mynso hadooh wa pynmih ya kani ka khubor.
Neiliang kiwa boon yong kani ka chnong da paan ki na ka sorkar ya ka Solid Waste Disposal ka wow pynduna yeini i noh jhep ki bru tangwa hadooh katni leh ym pu leh iyi iyi leh hei yatoh wa ini.
[youtube id=”N5Od2D7gjvc” mode=”normal” autoplay=”no” maxwidth=”1170″]
Ha kaiwi tawan ka khubor u sarok wa em ha i bynta wa tip kam i Pynmih Rangshken wa em hapoh ka Sohiong Constituency da oor i na rood synrang.
Katkam i ong ki tre chnong ynnin snem leh uni hi u jooh u sarok da oor u kamni hi tangwa da pynchna yow pynskem ya oo deiwa booh da ki churia chiap wa chipor donhi.
Discussion about this post