Ka Dubai kawa tip kam ka chnong wa raw slap wei kawa chit bha kawa em hapoh ka United Arab Emirates (UAE), ynnin ka sngi da yoh slap ko uwa joor bha uwa da poi hadooh kamwa yoh ha chi snem du ha ka chi sngi donhi hadooh wa da chlai um ka Dubai International Airport kawa da man kam ka duriaw wei ki luti ki syngkieñ hadooh ki yung ki sem leh da dap um ki.
Uni u slap da pynsangeh u yei krehkaam ka Airport hadooh chiteiñ kynta neidaw wa haap u slap wa awjan 100 mm du ha ki 12 kynta ynnin ka sngi wei ha ki 24 kynta da hiar 160 mm. Ha Dubai hawa jooh kheiñ ha chi snem jooh yoh slap ko 88.9 mm.
Ka Dubai Airport man ko kawi na kiwa boonkaam bha ka Airport ha pyrthai heiwa du heipor janmiet da hiar palat 100 tylli ki lieñsuiñ wei ha i por wa joor u slap da hap phah pyndam leh ya 79 tylli kiwa mut wow hær cha Dubai wa kynthup ya 15 tylli na India katwa kiwa mih na Dubai kiwa em 90 tylli da hap pyndam ki wa kynthup ya 15 tylli kiwa mut wow hær cha India katwa 152 tylli won da hap wow pynyang chwa ki.
Kiwi ki thaw hapoh kani ka sor da man ki leh kiwa dap um kam ka Dubai Mall waka Mall of the Emirates wei da em leh ki sarok kiwa da sih, ki thaw sah ki bru wa da dap um wei ki bru wa da sahkut chiteiñ luti neidaw wa chlai um.
Ki ri wa em chajan kam ka Bahrain leh da chah ktah ko na ini i joor slap deilang waka Oman.
Discussion about this post