Jowai: Hadien wa ujor u Waheh Chnong wa u Chairman chnong ka Ummulong pyrchah ya ki kattu katni ngut kiwa da embynta ha ka lai paidbah ha kani ka 29 Naikhynde wow pynyoo i pyrchah ya kiwa yahkhmat ka chnong, ynne ka sngi won da phah hajir yaki da ki pulit ka Ummulong Beat House.
Kiwa ujor kynthup ki ya u Waheh Chnong u Shellsing Langi, u Chairman ka chnong u Briwon Pohshna wa u Secretary Chnong u Pyrkhatbha Lamare kiwa da ujor FIR ha ka 2 tarik uni u bnai hadien wa da yalai paidbah ki khon ka chnong hajrong ka yurim wa da thok kiwa kitkaam chnong ya ki paidbah kamjooh ya u Dolloi ka Elaka Jowai.
Kiwa ujor da ong ki wa kini kiwa lai paidbah da thmu ki wow psiah yabor chapoh yung kamjooh leh wow pynmynsoo ya ki.
Ynne ka sngi ka 3 tarik da phah hajir kini kiwa chah ujor ha Ummulong Beat House, ha ini i lai hajir kini kiwa chah ujor, ki paidbah wa boon da yalai synraan ki ya ki kam ka dak wow pynyoo i pyrchah yeiwa pynbaad wa khlem yurim ya ki ha kiwa pyllai chnong wei i wym yahaap leh tang kajak leh kamwa da sakhi da kiwa boon walang.
Neiliang u khynroo ka chnong u R. Lamare u wym em ha katai ka sngi lai paidbah da pynsñiwa u yei mynsien wa danda wei iwa phylla yeiwa pynbaad u Waheh Chnong pyrchah ya oo (Lamare) neibhah oo ym em u ha chnong wei ha kani ka sngi dang step bha da lai emkaam u cha Namdong wei biang hi ki sabut u wow pynsakhiat yeini.
Da ong u leh wa ini waroh toh du wow daisarom hi-eh ya oo wei ye oo leh daw ujor pyrchah u ya kiwa kitkaam ka chnong.
Neiliang u khynroo R. Shylla won uwi napyrdi kiwa chah phah hajir wa sakhi lang ya katai ka lai paidbah da khana u wa i mih yong ki ha kani ka sngi toh wa em ki i sñiawkhia neibynta i bha i miat ka chnong ka thaw neibhah wa ym em leh bakla ki iwon iwon leh kamwa da chah pynbaad ki wei wa da yalai bait wan bait ki nakhmat yung kiwa pyllai chnong.
Da pynkut u leh deiwa ong wa yeini waroh du kiwa yoo naduh ki bor pulit kamjooh kiwi kiwi wa ym em leh yeiwa bakla.
Discussion about this post