Nadooh wa sdang ka khlam, i leh ya ka Test man ko kawi na ki laad wa emkaam yow kdoh u khoom yei poor ka khlam khamtam cha ki thaw wa em cha jngai na ki thaw wa leh Test. Ha kani ka kynti, ki Scientist ka National Environmental Engineering Research Institute (NEERI) kawa em ha Nagpur hapoh ka Council of Scientific and Industrial Research (CSIR) da poi ki sa cha uwi u moomær ha ini i kaam deiwa chna ki da ka ‘Saline Gargle RT-PCR Method’ namo i rukom Test deiwa chim nongmuna na ki bru deiwa kynrooh ktien donhi.
Kani ka rukom chim nongmuna deiwa kynrooh ktien man ko kawa smat, kawa duna dor wei kawa suk ki bru wow leh wei ya ka Result da ye wow yoh du hapoh 3 kynta wei man ko leh kawa suk wow leh khamtam cha ki thaaiñ palatsor, ki chong wa em cha kdong cha chmiang neidaw wym emkaam boon jait yow leh ya kani ka Test.
Hawa khana ya ini, u Dr. Krishna Khairnar, Senior Scientist, Environmental Virology Cell, NEERI da ong u wa i chim nongmuna dei tynrooh chapoh khmut wa ktien ym toh iwa suk ya ki bru, kamtæ deiwa kynrooh ktien wow chim ya ka nongmuna, ki paidbah leh ym wit ki wow leh ya kani ka Test.
Ki paidbah hap ki du wow kynrooh ktien ya ka um kawa tip kam ka Saline Solution iwa ki bru ye ki wow leh pyn da ki hi, heiwa hadien wa dep wow kynrooh ktien, hap ki wow mynthu hapoh i tadong (Tube). Wei ya i nongmuna u rah won cha ki Laboratory wei ym emkaam wow booh ya i nongmuna hapoh i thaw wa dait thah tangwa hap wow booh ha ka um wa kyrpang (Special Buffer Solution) wa pynkhreh da ka NEERI.
Da pynmih ya ka RNA Template manda pynchit ya kani ka Solution iwa pyman won kam ka Reverse Transcription Polymerase Chain Reaction (RT-PCR).
Neiliang ki Scientists, Researcher wa ki Lab-technicians ka Environmental Virology Cell ha NEERI da kreh chitom ki wow wanrah ya kani ka rukom Test wei da yooluti ki wa daw pynemkaam ya kani ka Test ha waroh kawi ka India neidaw man ko ka wym toh kawa syad, kawa suk u leh, kawa ym ktah ya ka rymaw neidaw wa duna iwa tam wa mih na ka.
