U montri ka chnat puræ puthi ka sorkr pyrdi, u Ramesh Pokhriyal ‘Nishank’ da pdiang u yei tyrwa (Proposal) wow e yarap poisa cha ki 11.8 Klur ngut ki khynnah (118 Million) lyngba ka Direct Benefit Transfer (DBT) yong ka bai chet yong ka Mid-Day-Meal Scheme, cha waroh ki khynnah kiwa toh u yoh myntoi kam ka laad yarap ya ki.
Kani daw man ko kam chibynta wow pynkhlan ya ka Mid Day Meal programme. Chooh chooh ka sorkar pyrdi da rai ko wow e mar baam (Food Grain) wa mynkna 5 Kilo samen neibynta chi bnai cha ki 80 klur ngut ki khynnah hapoh ka Pradhan Mantri Garib Kalyan Anna Yojana (PM-GKAY).
Yeini da leh khnang wow yarap pyndap yei emkaam baam ki khynnah wei wow yarap yada leh ya ki kam ha kini ki por wa em ka khlam.
Chooh chooh ka sorkar da rai ko wow e T. 1200 cha ki sorkar jylla wa ki Union Territory neibynta wow pynkrehkaam ya ini ka wow man leh ka laad yarap kawa chisien (One time special welfare) ka sorkar pyrdi ka wow yarap ya ki 11.8 klur ngut ki khynnah nadooh Class I hadooh Class VIII ha ki 11.20 lak ki skur sorkar wa kiwa yarap ka sorkar ha kylleiñ ka ri.