Chna u khynnah wa 17 snem na UP ya ka AI Robot Teacher wa pyrtuid Sophie

Uwi u khynnah wa 17 snem i rta uwa na Bulandshahr, Uttar Pradesh da pynkhyrngiat u ya kiwa boon deiwa chna ya ka AI Robot Teacher kam kawa sikai ha ka skur hei dor wa du Rs. 25,000.

Uni u khynnah wa tip kam u Aditya Kumar, wa chong Class-12 na Shiv Charan Inter College, da e pyrtuid u ya kani ka AI Robot kam ka Sophie.

U Aditya da batai u kammon chna u ya kani ka Robot deiwa pynemkaam ya ka stat ka juk wa katni iwa pynman ya ka Sophie wow klam ko wa ki khynnah. 

Related posts

Pyndep ki 55 ngut yei chah sikai Beauty, Wellness & Hairstyling

February 5, 2026

Pynkha chnat krehkaam ka HITO-Jaintia Hills sa ha Ksehrynchang

February 5, 2026

Ha i Video wa da booh ha Social Media da pynyoo yei sap wa em ka Robot heiwa da pyntipmit ko pyn ya ka hi cha ki khynnah deiwa ong wa ka toh kawa sikai AI wei i pyrtuid ko toh ka Sophie wei da chna ya ka da u Aditya, heiwa sikai ko ha Shiv Charan Inter College, Bulandshahr.

Wow tip yei stat ka Sophie wei i sap sikai ko, u Aditya da kylli u na ka ya i pyrtuid ka President wa u Prime Minister ka India wei kayi ka ka bordiñ yeiwa da jubab ko thij næ.