15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chna wei ekti ka Congress ya ar tylli ki yung ha Barato

Advertisement ad1

Ka 4-Mowkaiaw Block Congress Commitee (MBCC) ynnin ka sngi da wai wei da ekti ko ya ar tylli ki yung wa da chna da ka MBCC wei da e yarap poisa da uwi na ki heh ka Party, u Firstly Syad cha ki ar tylli ki manyung. 

Kini ki manyung da dooh ki yei yung yong ki ha ki snem wa dadep hei diñ wei kini ki manyung toh ki yong ka You Timung wa ka Kmenlang Lamin na ka chnong Barato, West Jaiñtia Hills. 

Ya kini ki ar tylli ki yung da wan wai da uwa ebuit (Adviser) ka 4-Mowkaiaw Block Congress Committee (BCC) u Nehimayah Tyngkan uwa da chimkti ya i thaw u Firstly Syad kam u Kongsan, hei emlang u MDC ka thaaiñ, u Aiborlang Shadap, u President ka 4-Mowkaiaw Block Congress Committee (BCC) u Rikut N Parien, ka Secretary ka Mahila Congress Committee ka Hababiang Wan wa kiwa heh wasian na ka chnong. 

Ha kani ka sngi da em leh ya ka yalang wa tbian wa pynlai da u B. Talang.

Ha kani ka sngi u Nehimayah Tyngkan da pynsñiaw u yei sñiawngooh wa khroo ya u Firstly Syad neidaw wa da e kyllooid mynsien u wow chna ya kani ka yung deiwa kyntu leh ya ki manyung wow minot ki wei wow yoh ki yei chait i khiah.

Ka You Timung hawa e i klam wa ki umkhat wa joo da dap ko dei kmen wei ini man i kyrkhu na lyndet heiwa u Blai donhi samen wa tip. 

Kiwi kiwa da klam ha kani ka sngi toh u Rikut. N Parien President BCC, u MDC ka thaaiñ, u Aiborlang Shadap wa kiwi kiwi. 

Share this:
Previous

Chah tympat 5 tylli ki chrot bordiñ ha Pamrakmai wei chah kyndang i tnoom yung

Next

Chlai um ki thaw uiñke suwari wa em ha Sahksaw