June 24, 2022
Advertisement
Ka Meghalaya High Court da chong bichaar ko ya ka mukotduma PIL wa da yaleh da uwa tip kam u Lawyerson War heiyatoh wa i pynemkaam bakla ya ka Challan yow khayi moochuni.
Uwa yaleh ya ka mukotduma da e u ya ka Challan kawa yatoh wa u moochuni yow pynsakhiat wa em i leh bakla yow chalan wei ya kani ka Challan ym toh kawa da yoh u lynbga ka RTI neidaw wym em jubab ya ka RTI wa da yaleh u.
Advertisement
Advertisement
Kamtæ ka yung bichaar da ong ko wa uwa yaleh mukotduma hap u wow khana neiwon yoh u ya kani ka Challan deiwa jubab lyngba ka Affidavit tangwa ym emkaam u khana yi wa e ya kani ka Challan neibhah chong ha ka sorkar wow pynsakhiat ya kani.
Ka yung bichaar da ong ko leh wa ka sorkar toh u pyntikna ko wa jubab ki chnat sorkar ya ki RTI katkam ki kyndon ka aiñ.
Ya uwa yaleh mukotduma da e por ya oo chi tayaw katwa ka sorkar jylla won toh u e jubab ko hapoh ar tayaw.
Uwa yaleh mukotduma da pynbaad u wa kam kani ka Challan wa da wanrah u hapoh ka yung bichaar toh kawa da pynemkaam ya ka kam ka Export License yow chalan moochuni cha baar ri hanla ka License toh kawa pynyoo wa yow moochuni u pynemkaam yow chna yung heiwa da kheiñ noh ya oo kam u Minor Mineral. Ka yung bichaar da ong ko wa manda chalan cha baar ri ym ye u man wa daw pynemkaam du yow chna yung donhi.
Kamtæ da phah ya ka sorkar jylla wow khana ko wa kammon pyntikna ki wa u moochuni wa chalan cha baar ri toh uwa da pynemkaam yei yi i bynta wei ym em wa pynemkaam bakla ya ka License da ki bru wa tih ya u moochuni wei da chalan cha baar ri kam u Minor Mineral.
U moochuni hawa pynemkaam ya oo kam ha ki karkhana da kheiñ ya oo kam u Major Mineral iwa da tip kam i End Use namo kammon wa pynemkaam ya oo katwa lada pynemkaam ya oo wow chna yung chna sarok da kheiñ kam u Minor Mineral.
Ya kani ka PIL daw chong bichaar biang ha ka 25-07-22.
