Ka skur Ladmukhla LP & UP kam chibynta wow pyn ka-it kasar yaki khynnah skur yong ka da pynman ko yaka tayaw lehkmen kawa sdang nadooh ka 5 tarik hadooh ka 12 tarik uni u Naitung (Apr). Ha kani ka tayaw lehkmen da em chiboon jait ki yalehke neibynta ki LP Section waki UP Section kam ki Biscuit Race, Water Filling, Spoon Race, Musical Chair, Mathematics Race, Knocking the Bell, Sack Race, Cock Fight, 100M Race, 200M Race, Relay Race 4×1,6×1, Long Jump, High Jump, Football, Quiz, Spell Wizard, Group Dance.
Ya kani ka School Week da pynleh hadien wa da dep pynman skur khnang yow lait u thut u pyndep ya ka puræ puthi deiwa sdang nadooh ka noh chariñ sngi heipor 1:00 waje hadooh 3:00 waje man-ka-sngi lait ar sngi donhi wa em ki yalehke wa pynman cha lait kamtæ da hap pynlut por waroh chisngi.
I thmu wow pynman ya kani ka Week toh kam chibynta wow yoh yei chait yei khiah kamjooh wow pynku yaka sap wa em waphær waphær haki khynnah khamtam wow sñaiwthooh chooh chooh chaphang ka Fit India Movement.
Ka yalehke Sports leh wanrah ko yei man ryntih wa i mynsien ya maya kam chi payu heipor wa dang lai ha skur.
Ha chwa wow saam ya ki khusnaam namo ki Prize cha kiwa jop, da pynman yaka yalang wa chibet chipor ha phrang skur heiwa da pynlai da u Asst. Headmaster, u Kyllimot Lhuid wei da yoh ya ki kyntien sneiñ kyntien kroo cha ki khynnah wow nang pteiñ ki wow minot ki hei puræ kamjooh hei akor, i salon na u Headmaster, u Eskhemborlang Bang hapyrdi i emlang yong waroh kiwa sikai ka skur waki khynnah.
Neiliang ka skur da e khublei ko leh ya waroh ki khynnah wa ya chimbynta kamjooh i yakrehlang i yong ka skur waroh dapoi cha i jop wa da ye u pynkut heipor wa biang.
Ka khubor wa da pynlait da uwa sikai ka skur, u Kyllimot Lhuid.
