Jowai: Ka KSU kam chibynta wow pteiñ wow pynyoo yei pyrchah yong ka yei pynkylla yaka noh ya ka Central Agricultural University, Kyrdemkulai cha ka College of Agriculture da ka sorkar pyrdi, ynne ka sngi da pynman ko da ka chong kylleiñ mynngor ha khmat kani ka College ha Kyrdemkulai.
Kani ka yakhih man ko kam chibynta wow pynsñiaw ha ka sorkar India wa lyngba i wan yooh kjat u Vice Chancellor (VC) ka Central Agricultural University (CAU), Imphal ynne ka sngi kam chibynta ka yalang wa pynman hajrong ka phang Farmers Training and Farmers-Scientist Interaction Programme, ka seiñ da ong ko wa ini da pynyoo yei wym mano wow e da ka CAU wa pura ya ka jylla kamwa da kular ha u 2010.
Chooh chooh ka seiñ da ong ko wa i wan yooh kjat u VC ka CAU Imphal ha College pynyoo wa hadooh katni ka sorkar India khamtam ka Ministry of Agriculture ym pu em leh ki iyi wow pynmankaam ya ka kular wa da khlai ki ha u 2010.
Also Read: Ym pdiang ka KSU yaka College of Agriculture, dawa daka Univeristy wa pura hapoh jylla
Discussion about this post