15 49.0138 8.38624 1 0 4000 1 https://wyrta.com 300 0

Ym pdiang ka KSU yaka College of Agriculture, dawa daka Univeristy wa pura hapoh jylla

0 Comments
Advertisement ad1

Jowai: Ka KSU ynne ka sngi kam ka dak wow pyrchah ya i thmu wow chna yaka College of Agriculture ha Kyrdemkulai, Ri-Bhoi heithaw ka Central Agricultural University, da lai tympleh ki ya ka Signboard wa thoh College of Agriculture ka wow tipmit daka Central Agricultural University, Imphal wei i dawa naka seiñ toh wow booh hi daka Central Agricultural University wa pura hapoh ka jylla ym toh da ka College.

Neiliang u General Secretary ka KSU u Donald V Thabah da ong u wa deiwa pyrkhat yaka puræ puthi ka jaitbru waroh kawi, nynkong ka seiñ da dap ko dei sñiawkmen hawa pynbna ka sorkar pyrdi wow wai yaka Central Agricultural University hapoh Ri-Bhoi kawa da pynbna ha u snem 2010 wei kani ka kaam da sahteiñ ko na ki daw wym tip wei ha u snem 2015-16 da wai ya u mooyurim wei da sdang leh wow chna yaka yung thaw puræ wei ka yung wa u mooyurim ym toh neibynta ka Central Agricultural University tangwa wow chan yaka College of Agriculture ka wow tipmit daka Central University kawa em ha Imphal, Manipur.

Advertisement ad1

Da ong u leh wa ya i thaw da e da ki bru samen hei dor wa duna wei da e thaw wow chna yaka Agriculture University wa pura ka wow em ha Kyrdemkulai wei da e thaw hadooh 200 Acre tangwa katni won u chna da ka College ha kani ka thaw kawa heh wei u man ko leh ka College ka wow pynlai nadong chadong na Imphal.

Da e nongmuna u leh yaka College of Post Graduate Studies (CPFS) wa em ha Umiam da chem wa ki Khasi wa yoh u puræ duna bha ki wei boon du ki Manipur wei kamjooh ki wakreh leh ha waroh ki liang toh du kiwa na Manipur wei lada wan kani ka College of Agriculture ka wow pait da ka Central Agriculture University, Imphal daw jia i jooh hi.

Chooh chooh da ong u wa lada yoh yaka Central Agricultural University daw yoh kiwa boon ki myntoi wei yei u mih leh sa kiwi ki College hapoh ka jylla wei daw poi leh ki Scheme neibynta ki warep kiwa bha bar ya ki Mission neibynta ki warep wa em hapoh ka jylla wei ya kani ka College ym e laad wow krehkaam ko lada ym yoh daka Univesity.

Da pynkut u deiwa ong wa ym chah wow leh hi eh ka sorkar pyrdi katwa ngait ko wow thok chukor yaki paidbah hadien wa da kular ki wow booh daka University tangwa da e da College heithaw yong ka.

Kam ka dak wow pyrchah, da li wah leh ya ki Flex kiwa em ki ktien pyrchah ha nongbah Shillong.

0 Comments

Leave a Reply