U Lionel Messi ynne da pynbna u yei chong ngiah noh wow yalehbol na ka Argentina hei rta wa 39 snem heiwa da sdang u wow yalehke ya ka ri u ha snem 2005 heiwa da jop ya ka World Cup ha u snem 2022 wa ar tylli ki Copa America.
Hawa pynbna yei chong ngiah ha Social Media, da ong u wa ini ymtoh i rai wa suk wei da ktah bha ya oo tangwa sñiawthooh u wa da toh i por wow leh yeini.
Da ong u wa da e lut u waroh katwa ye i bor ym du ha kini ki snem wa dang lai heiwa da ye wow jop lut tangwa nadooh nachwa ini leh, wei hawa yalehke da sai lut u ha madan neibynta ka Jersey wa sap u yow pynkmen ya kiwa paitke wei sñiaw sarong u wow man kam u nong Argentina hawa yalehbol.
Chooh chooh da ong u wa i por toh iwa tbian, wei da em boon ki lynnong kiwa da kut wei kani kawa kattæ toh kawa kjut bha wei da maya wei daw pteiñ u wow maya u man kam chibynta ka National Team kawa da theh lut u waroh wei ym em de iyi iyi kattæ.
Da kdaw u leh wa kattæ em boon bha kiwa yalehke kiwa chyrkhei wei em hok ki wow em hapoh ka National Team.
U Messi da ong u wa da pynkhreh u pynbna yei chong ngiah ar sngi hadien ka World Cup Final wei hadien wa khlaad u pa u ha u bnai wa dep da sñiaw u wa da toh i por wow sangeh noh ki yalehke International.
Da klam u leh deiwa pyrkhat sa katwon u ye u wow pteiñ heiwa da chem chitom u ha ka World Cup wa dang dep man wei hadien i rem Final ha ka Spain sñiaw u wa ki kjet u ym ye de ki wei da yaleh u wow yalehke palat yei bor wa ye tangwa ym ye u.
U Messi toh uwa yalehke ya ka Inter Miami kattæ wei ka Contract u daw kut ko ha u 2028. Wei ha ka yalehke wa dang dep pynman ka Major League Soccer da thap u soo kool yow pynrem ya ka CF Montreal da 7-1.
Discussion about this post