Hadien wa sdang i yakhih ha kylleiñ ka Iran, ka All India Medical Students Association (AIMSA) Foreign Student Wing da kyntu ko ya u External Affairs Minister, u S. Jaishankar wow chimkhia yeini neibhah wa em kamwa 3,000 ngut kiwa na India wa lai puræ Doctor ha katai ka ri.
Ha ka chithi cha u Jaishankar, u Mohammad Momin Khan uwa man u Vice President ka Jammu and Kashmir Unit yong ka All India Medical Students Association, da sñiawkhia u yei chngaaiñ ki khynnah khamtam heiyatoh wa i man i long ha katai ka ri.
U Khan da ong u wa neiliang ka All India Medical Students Association (AIMSA) kwah ko wow kyruiñ ka sorkar cha ka Islamic Republic of Iran neibhah wa em kamwa 3,000 ngut kiwa lai puræ na ka ri.
Ha ka chithi da khana leh wa chong syir ki khynnah wa ki yung yong ki hadien wa mih i awri ha katai ka ri.
Ka AIMSA da kyrpaad ko leh ya ka Ministry of External Affairs wow booh ya ki kyndon wow syndong kiwa lai puræ kamjooh leh wow booh ya ki Emergency Helpline wow pynkhreh lada emkaam u yut na katai ka ri.
Discussion about this post