Jowai : Kam chibynta wow pdiang ya u snem thymme ynne ka sngi, ki kattu katni ki chnong da pynman ki ya ka baamdoh yonglang katwa em won ki wow pynman yei jooh mynstep.
Ha Jowai ka Dorbar Chnong Panaliar hadien wa da pynkut ko ya ka lehkmen dap 100 snem ka Yungwalieh yong ka, ynne ka sngi won yow pdiang warom ya u snem thymme da pynman ko da i baamdoh yonglang ha madan ball ka chnong.
Ha chwa wow sdang da em ka yalang tbian heiwa u SP ka WJH da man u kam u kongsan uwa da pyllait leh ya ka souvenir ka Chnong wei da yoh leh yei klam na u ma OR Challam wa kiwi kiwi.
Hadien ini ki khon ka chnong da pynman ki ya i lai chaad yonglang na Panaliar deiwa lai lyngba na Dulong, Iawmusiang, Chutwakhu, Mission Compound hadooh wa poi ha Yungwalieh ka Chnong.
Ha Jowai ka Balang Church of God, Iongpiah Jowai leh da pynman ki ya ka chaad snem thymme.
Ya i baamdoh yonglang wow pdiang ya u snem thymme da pynman leh ha Tuber Kmaichnong heiwa ki khon ka chnong da wan chim bynta chongchit ki.
Hadien ini da em u DJ uwa pynryrngia ya ki paidbah hapoh ka chnong.
Discussion about this post