Jowai: Kam wa da tiplang wa i por i samoi yong ka Chaad Niam Behdieñkham hapoh ka Raij Jowai u wan noh i ha ka tayaw wa ar u Naiynniaw, kamtae ki khon ka niamtre ha kini ki sngi ki tayaw da sdang ki u boon kaam hei pynkhooid pynjngiar wa ha kiwi kiwi kaam heiyatoh wa ka Chaad Niam Behdieñkhlam.
Katwon yoosuk u sakhi wa ki khon ki ksu ka seinjait Iawchibidi wa em ha Jowai wa kamjooh na Shillong ynne ka sngi Bibar 30 tarik chibynta i pynkhreh pynkhrum yei wan ka Chaad Niam Behdieñkhlam da pyman ki yei pynkhooid pynjngiar ya ki thaw Niam thaw kyntang ka kur wa em ha Chutwakhu wa ha Mynthong heiwa ki khon ka kur khmat chynrang kynthai dei sñiawkhia dawan ki wow ya embyntalang.
Chooh chooh ha kani ka sngi hadien wa dadep i thwat i lum, i sait wei pynkhooid da em wan sa i ngoohblai ngooh syiem deilang wow klong u sko heiwa u K.F. Laloo kam uwi na ki waheh wasian ka kur da yeiñ u wow e ka ngooh ka dem deiwa khut ood nam yei burom u Trekirot wei pyrtuid i nam ki Sangia Saret.
Discussion about this post