Ynne ka sngi da yoh u pynman ya ka Games and Sports yong ka Jingiaseng Samla Bataw District hapoh i yahkhmat ka Social and Youth Development Committee ha ka Balang Ladwahwapung deiwa yalam u Ng. L. Shylla, Chairman, u B. Rymbai, Secretary ryngkat i emlang ki dkhot ka Committee, ki Tymmen Wasan, u Pastor K.S. Basaiawmoit heiwa da sdang ya ka yalang dei duwai na u Deihok Sumer wei da wai ya kani ka yalehke da u Kerlang Ksoo kam u kongsan.
Waroh kiwa da chimbynta da em 11 tylli ki Balang wa em hapoh ka Jingiaseng Samla Bataw District heiwa da pynman yei yalehbol kawa da jop da ka Jingiaseng Samla Balang Borghat deiwa pynrem ya ka Jingiaseng Samla Balang Umsatai.
Ha ka yataan tylle won da jop ka Jingiaseng Samla Balang Umlyngsha deiwa pynrem ya ka Jingiaseng Samla Balang Deinsatlang.
Ha ka 200 Metre Race da yoh nyngkong da ka Ithuhbha Sympli na ka Jingiaseng Samla Balang Umsatai, hei wa ar ka Syrpai Rymbai na ka Jingiaseng Samla Balang Lakadong katwa hei wa le da yoh ka Ladies Rymbai na ka Jingiaseng Samla Balang Lakadong Ummat.
Da pynkut deiwa ya saam Prize deiwa wan kam ka kongsan da Deivipaya T Tongper kawa man leh ka MDC yong ka Narpur Constituency.
Kani ka sngi da man ko kawa chongchit heijooh i por leh man ko ka wa lai bait lai ryntih.
Discussion about this post